POP 5

Lajmet më të lexuara të 5 minutave të fundit

Bota

Bari kujton eksodin, zbarkimin e 20 mijë shqiptarëve me anijen Vlora! 'Kishin etje për liri'

Më 8 gusht 1991, në Durrës, njëzet mijë vetë sulmuan anijen “Vlora” dhe e detyruan kapitenin të nisej drejt Italisë

Bari kujton eksodin, zbarkimin e 20 mijë shqiptarëve me anijen Vlora! 'Kishin etje për liri'

Aktiviteti në Bari për të kujtuar eksodin e shqiptarëve

Nga ajo ditë 32 viteve më parë kujtohet frika, vuajtja, uria, djersa. Është tjetër gjë ta shohësh në TV, tjetër të ta prekësh të ndjesh dhimbjen dhe buzëqeshjen e tyre.

Më 8 gusht 1991, në Durrës, njëzet mijë vetë sulmuan anijen “Vlora” dhe e detyruan kapitenin të nisej drejt Italisë

“Vlora" është edhe sot simboli i emigrimit: ata njerëz ishin të etur për liri". Kështu Nicola Montano, inspektor i policisë së shtetit, kujton zbarkimin e rreth 20.000 shqiptarëve që mbërritën në portin e Barit në vitin 1991 në 32-vjetorin e eksodit që u kujtua sot në mëngjes në teatrin Piccinni.

Montanos, i cili menaxhoi operacionet e para me shumë humanizëm, Bashkia e Barit i dorëzoi një pergamen përkujtimor.

Dhuratën simbolike e mori edhe gazetari dhe fotoreporteri italian Luca Turi, dhe  Eva Karafili një pasagjeret e tragetit Vlora e cila që prej atëherë vijon të jetojë në Bari, si dhe Duli Caja, artistit shqiptar që krijoi sixhadenë e ekspozuar në dhomën e këshillit të bashkisë. Vepra u krijua në vitin 2014 me mbetje pëlhure me ngjyra në të cilën janë qepur njëzet mijë butona, të cilat kujtojnë numrin e personave në bordin e anijes “Vlora”

“Rilindja në Bari filloi 32 vjet më parë me ardhjen e anijes “Vlora” – thotë këshilltarja për aktivitetet kulturore në Bari, Ines Pierucci

“Që nga ai moment, dy vjet pas rënies së Berlinit, një sërë diktaturash u zhdukën nga Evropa, në të cilat shpresojmë se Shqipëria do të mund të hyjë sa më shpejt të jetë e mundur. Sikur të kishim mësuar diçka nga ai migracion kaq i rëndësishëm - përfundoi ajo - sigurisht që migrimet aktuale do t'i kishim menaxhuar ndryshe. Ka pasur shumë mirëseardhje nga njerëzit e Barit dhe shumë frymë përshtatjeje nga ana e Barit” vijon ajo.

Në skenën e teatrit Piccinni u ngjit edhe shfaqja  “La nave dolce” nga Daniela Nicosia, me aktorin Massimiliano Di Corato.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si i vlerësoni protestat e dhunshme të Rithemelimit tek Bashkia?

Lajme të tjera



×

Lajmi i fundit

VIDEO/ Myrto Uzuni shënon golin e 11-të në La Liga, sulmuesi i Kombëtares në formë

VIDEO/ Myrto Uzuni shënon golin e 11-të në La Liga, sulmuesi i Kombëtares në formë

28 Prill, 17:26